Fr 23. Dez 2011, 13:43
Wunschzeddel vun nem kölsche Stropp
Leev Barbara, leeven hillijen Zinterkloos, leev Kreßkindche !
Sehr Ehr dann nit, wat ich mitmaach ?
Dat mich jeder nur noch uslaach ?
Merkt Ehr dann nit wie ich ligge ?
Kinder, nä, wat sin dat Zigge !
Schwenk ich nur mi rut-weiß Fähnche,
laach sich alles nur kapott,
jo, mir kumme zwei, drei Tränche,
deit et leevs dat Fähnche fott.
Nur weil ich noch zum FC jon,
FC Köln, Ehr kennt en noch ?
Un jrad jetz zu däm Verein ston,
Kreßkind, Niklos, helft mer doch !
Schenkt uns noch su zehn, zwölf Pünkcher,
Törche wören Hoffnungsfünkcher,
brengt uns an de Spetz eran,
ich fang och mem Bravsin an.
Wünsche euch eine eine wunderschöne Weihnachten viele Geschenke und ein tolles Fest mit der Familie ps. hoffe ihr versteht es
Liebe Grüße Seele